ჯონ რიდი - ქართული პოემის პერსონაჟი

ანოტაცია

ყოველ ახალ ეპოქას თავისი ხედვები და ფასეულობები მოაქვს როგორც პოლიტიკაში, ასევე, კულტურაშიც. XX საუკუნის დასაწყისი საქართველოშიც ურთულესი მოვლენებით დაიწყო.  პოემას, რომელსაც  გალაკტიონ ტაბიძე 1924 წელს დაწერს,  სწორედ ასე დაასათაურებს: ,,ჯონ რიდი“.  ვინ იყო და რითი დააინტერესა ამ პიროვნებამ ქართველი პოეტი იმდენად, რომ მისი გვარ-სახელი პოემის სათაურად  გამოიტანა.  ამერიკელი მწერალი და ჟურნალისტი. 1919 წლის მარტში ნიუ–იორკში ინგლისურ ენაზე გამოიცა მისი ცნობილი  წიგნი ,,10 Days That Shook The World” (,,ათი დღე, რომელმაც შესძრა მსოფლიო“). სწორედ ამ სიტყვების ციტირება მოაქვს ქართველ პოეტს პოემაში. მის ტექსტში აღწერილია ოქტომბრის რევოლუცია რუსეთში 1917 წელს.  გალაკტიონ ტაბიძეც აღწერს მოსკოვსა და პეტერბურგში დატრიალებულ მოვლენებს, ისიც თვითმხილველია. ამ სურათებს ერთდროულად ხედავს და განიცდის როგორც ქართველი, ისე ამერიკელი პოეტი, ყოველ შემთხვევაში, გალაკტიონი ასე თვლის.          გალაკტიონ ტაბიძის პოემა ,,ჯონ რიდი“ – დიდ ეკრანზე გამოტანილი მხატვრულ–დოკუმენტური კადრებით.