მერქნიან მცენარეთა მდგომარეობის კვლევის შედეგები ქ. ქუთაისში
საკვანძო სიტყვები:
მერქნიანი მცენარე, მდგომარეობა, მონიტორინგი, განვითარებაანოტაცია
კვლევის მიზანი იყო ქალაქ ქუთაისში, ჭავჭავაძის გამზირზე, მოზარდი მერქნიანი მცენარეების მდგომარეობის შესწავლა და მათი რეაბილიტაციის ღონისზიებების შემუშავება. ობიექტზე მცენარეების დათვალიერებამ და მათმა შესწავლამ აჩვენა, რომ აქ იზრდება: 32 ოჯახის, 53 გვარის, 63 სახეობის საკმაოდ ფართო ასორტიმენტის მქონე 1144 ძირი მცენარე, რომლებიც წარმომადგენელია წიწვოვნების, მარადმწვანე ფოთლოვნების და პალმების სახით. ჭავჭავაძის გამზირის გაყოლებაზე, რიგობრივი ნარგაობის სახით ძირითადად იზრდება აღმოსავლეთის ჭადრის ზრდასრული მცენარეები, რომელთა გასხვლა-ფორმირება წლების განმავლობაში არასწორად - აგროტექნიკური ხერხების დარღვევით მიმდინარეობდა, რამაც დაამახინჯა ისინი, რის გამოც ბევრი მათგანი გახმა. გამზირის მოსაზღვრე ტერიტორიებზე ძირითადად იზრდება სხვა სახეობის ასაკოვანი მცენარეები, რომლებიც, ასევე საჭიროებენ სწორ სხვლა-ფორმირებას და მოვლის აგროტექნიკური ღონისძიებების ჩატარებას. გვინდა ავღნიშნოთ, რომ ბოლო წლებში დარგული მცენარეების უმეტესობა წესების დარღვევითაა დარგული, რაც ასევე მოითხოვს კვალიფიცირებული სპეციალისტების ჩარევას და მდგომარეობის გამოსწორებას.
წყაროები
მუმლაძე, თეონა. ქ. ქუთაისში ჭავჭავაძის გამზირის და მისი მოსაზღვრე ტერიტორიების ლანდშაფტურ-ეკოლოგიური მონიტორინგი, მცენარეული საფარის შენარჩუნებისა და რეაბილტაციის ღონისძიებები. სამაგისტრო ნაშრომი ლანდშაფტური არქიტექტურის მაგისტრის აკადემიური ხარისხის მოსაპოვებლად. აკაკი წერეთლის სახელმწიფო უნივერსიტეტი. 2023.
ტყავაძე მალვინა, რამაზ კილაძე, ეკატერინა გუბელაძე. 2011. დეკორაციული დენდროლოგია - წიგნი პირველი. ქუთაისი: ხანძთა.
ტყავაძე მალვინა, რამაზ კილაძე, ეკატერინა გუბელაძე. 2014. დეკორაციული დენდროლოგია - წიგნი მეორე, ნაწილი I. ქუთაისი: აწსუ გამომცემლობა.
ტყავაძე მალვინა, რამაზ კილაძე, ეკატერინა გუბელაძე. 2015. დეკორაციული დენდროლოგია - წიგნი მეორე, ნაწილი II ქუთაისი: აწსუ გამომცემლობა.
